Magkalimtanay

Sauna kita pirmi ang magkuyog,

Sa banyo, sa kusina ug asta pud sa kama.

Ako imong kaduwa, mabuntag man o magabii.

Ako imong karamay sa kalipay man o sa kasakit.

Kung ikaw akong kuyog,

Di na ko kinahanglan ug nindot nga sinina.

Ang akong hubo nga lawas

Kay imo nang kalipay.

Sa matag hikap sa imong humok nga kamot,

Sa matag aswat sa imong macho nga braso,

Sa kada bag-id sa imong pinaakan nga kuko,

Ako’y gikiliti, ako’y nipahiyum.

Apan nibiya ka.

Wala n aka mibalik.

Ug ako nasaag sa kadalanan sa Sitio Tangkongan,

Gitugnaw, Gi-sip-on, ug gimingaw.

  

Wala na koy mabuhat.

Gihabal na kos akong mga higala,

Samtang nagtan-aw ang ubang tao.

Nauwaw, nasakita, pero nalami-an.

Usa ka gamay nga bahin sa akong dughan

Ang nag-ampo nga magbalik pa kita.

Pero murag di na ko nimo mailhan.

Kay ako usa na ka askal. Aw! aw!